Jafnlaunastefna SORPU

1.0 Tilgangur og umfang

Jafnlaunastjórnunarkerfi nær til alls starfsfólks. Starfsmaður er sá sem hefur gildandi ráðningarsamband við SORPU bs. Kerfið nær ekki til verktaka né þeirra sem vinna tímavinnu.

2.0 Jafnlaunastefna

Samkvæmt lögum nr. 150/2020 um jafna stöðu og jafnan rétt kynjanna mun SORPA bs. tryggja öllu starfsfólki sínu þau réttindi varðandi launajafnrétti sem kveðið er á um í lögunum. Laun skulu ákvörðuð í samræmi við kröfur starfa óháð kyni og störf skulu taka mið af þeim kröfum sem þau gera. Kjarasamningar skulu vera forsenda launaákvarðana og tryggi að sömu laun og sömu kjör séu fyrir sambærileg eða jafnverðmæt störf. Starfsfólki skal ekki mismunað á grundvelli ólíkra kjarasamninga.

Til þess að fylgja jafnlaunastefnu eftir skuldbindur SORPA sig til að:

• Skjalfesta og viðhalda jafnlaunastjórnunarkerfi með stöðugum umbótum, eftirliti og viðbrögðum í samræmi við kröfur staðalsins ÍST 85 auk þess að stuðla að forvörum á kerfinu
• Viðhalda vottun í samræmi við gildandi lagareglur á hverjum tíma og bregðast við frábrigðum og athugasemdum þegar þau koma upp
• Flokka störf út frá þeim kröfum sem þau gera og framkvæma árlega launagreiningu þar sem borin eru saman sömu eða jafnverðmæt störf og til að athuga hvort óútskýrður kynbundinn launamunur sé til staðar
• Kynna fyrir starfsfólki niðurstöður árlegrar launagreiningar sem er til úttektar nema persónuverndarhagsmunir mæli gegn því
• Fylgja viðeigandi lögum, reglum og kjarasamningum sem í gildi eru á hverjum tíma og staðfesta árlega hlítni við lög
• Framkvæma innri úttekt á öllum útgefnum skjölum sem tilheyra jafnlaunastjórnunarkerfi eigi sjaldnar en á þriggja ára fresti
• Framkvæma rýni stjórnenda árlega þar sem jafnlaunamarkmið eru sett fram og rýnd
• Hafa jafnlaunastefnu aðgengilega á ytri vef og skal hún vera kynnt árlega fyrir starfsfólki og við nýráðningu starfsfólks
• Viðhalda gildri jafnréttisáætlun SORPU í samræmi við lög og uppfæra á þriggja ára fresti

Jafnlaunastefna er jafnframt launastefna. Mannauðsstjóri er fulltrúi jafnlaunastjórnunarkerfis og skal starfsfólk leita til hans með athugasemdir eða fyrirspurnir.

3.0 Tilvísanir

ÍST 85: 2012 – 4.1 Almennar kröfur
ÍST 85: 2012 – 4.2 Jafnlaunastefna

ÍST 85: 2012 – 4.3.1 Jafnlaunaviðmið

ÍST 85: 2012 – 4.3.2 Lagalegar kröfur og aðrar kröfur
ÍST 85: 2012 – 4.3.3 Markmið og áætlanir
ÍST 85: 2012 – 4.4.4 Skjalfesting

ÍST 85: 2012 – 4.5.3 Frábrigði, úrbætur og forvarnir

ÍST 85: 2012 – 4.5.5 Innri úttekt

ÍST 85: 2012 – 4.6 Rýni stjórnenda

VLR-1935 Skilgreining ábyrgðar vegna jafnlaunastjórnunarkerfis

VLR-1921 Innri úttekt

VLR-1922 Rýni stjórnenda

VLR-1923 Vöktun og mæling

VLR-1925 Frábrigði, úrbætur og forvarnir

VLR-1926 Jafnlaunaviðmið og flokkun starfa

VLR-1927 Launasetning og endurskoðun launa

VLR-1928 Samskipti og upplýsingamiðlun

VLR-1930 Lagalegar kröfur og aðrar kröfur

4.0 Ritstjórn

Kolbrún Sif Skúladóttir

Aðalbjörg Sigurþórsdóttir

5.0 Síðustu breytingar og/eða athugasemdir

Útg. 2.0: