Móttöku- og flokkunarstöðGufunesvegi

Í móttöku- og flokkunarstöð SORPU er úrgangur meðhöndlaður og honum komið í endurnýtingu eða förgun.

Úrgangur skal vera flokkaður og án aðskotahluta eða mengandi efna. Vönduð flokkun leiðir til betri nýtingar á hráefnum, stuðlar að bættu umhverfi og er hagkvæmari fyrir viðskiptavini að því tilskyldu að farið sé yfir vigt með hvern úrgangsflokk. Athugið að óflokkaður úrgangur ber hæsta gjaldið!

Afhendingaraðila ber að veita upplýsingar um eðli og uppruna úrgangs. Úrgangsflokkur er staðfestur af starfsmanni SORPU.

Viðskiptavinir greiða fyrir úrgang eftir þyngd (kr/kg), samkvæmt gjaldskrá.

Starfsfólki móttöku- og flokkunarstöðvar SORPU er ekki heimilt að aðstoða viðskiptavini þegar frágangi farma er ábótavant og/eða við að færa til ílát sem ekki eru sérstaklega ætluð til meðhöndlunar lyftara.​

Tekið er við úrgangi gegn staðgreiðslu eða framvísun viðskiptakorts. Viðskiptavinum sem eru í reglulegum viðskiptum við SORPU er bent á að hægt er að sækja um viðskiptakort. Þar eru einnig upplýsingar um þær reglur sem gilda um viðskipti með beiðni.

​Lágmarksgjald vegna gjaldskylds úrgangs í móttöku- og flokkunarstöðinni í Gufunesi er 625,00 kr. með vsk.

Sunnudagsálag

Á sunnudögum er sérstakt álagsgjald, 4928,00 kr, lagt á allar afgreiðslur óháð þeim úrgangsflokki sem komið er með.

​Sér gjaldskrárflokkur

Hægt er að fá endurvinnsluefni bögguð til afhendingar á flutningstæki og er lágmarkið 10 tonn. Kostnaður er 23,49 ​kr/kg með vsk.