Nýr vöruflokkur fyrir yleiningar

Kominn er nýr vöruflokkur í gjaldskrá móttöku- og flokkunarstöðvar SORPU í Gufunesi sem heitir Yleiningar. Gjaldið við hvert kíló af yleiningum 90,58 krónur með virðisaukaskatti.

Flokkurinn er settur upp til að standa straum af þeim mikla kostnaði sem hlýst við það að aðgreina málmkápu og einangrun yleininganna sem til móttöku- og flokkunarstöðvar berast.

Bent er á að úrgangshafar geta lækkað kostnað sinn með því að aðgreina ólík efni sjálfir og skila málmum til þeirra aðila sem sérhæfa sig í málmendurvinnslu og SORPA taka við rest til böggunar og urðunar. Gjaldið fer þá úr rúmlega 90 kr/kg í tæplega 36 kr/kg fyrir einangrunina.