Tækin eru tekin í sundur hjá viðurkenndum vinnsluaðilum. Efni hættuleg umhverfinu eru flokkuð frá og meðhöndluð með viðeigandi hætti. Endurvinnsluefni, t.d. málmar, eru flokkuð frá og komið í réttan farveg.

Rafhlöður, prentplötur, þéttar o.fl. er fjarlægt úr litlum raftækjum hjá viðurkenndum vinnsluaðilum. Að því loknu eru raftækin tætt og málmar úr þeim flokkaðir í járn, ryðfrítt stál, kopar, ál, o.fl. Plast flokkast svo sér. Mismunandi efni fara svo til endurvinnslu m.a. í Bretlandi og Svíþjóð.

Aðrir ráðstöfunarmöguleikar

Einnig er bent á viðurkennda móttökuaðila raftækja, sér í lagi ef um nokkurt magn er að ræða. Nánari upplýsingar er að finna á vefsetri Úrvinnslusjóðs eða með því að hringja í skiptiborð sjóðsins.