Föt og klæði nýtast til hjálparstarfs á vegum Rauða kross Íslands. Sjálfboðaliðar flokka þau og svo eru þau gefin til þeirra sem á þurfa að halda, bæði hérlendis og erlendis. Hluti þeirra er einnig seldur til fataflokkunarstöðvar í Hollandi eða í verslunum Rauða krossins.

Allur ágóði af sölu á notuðum fatnaði rennur í hjálparsjóð sem nýtist til alþjóðlegs hjálparstarfs.

Slitið klæði nýtist einnig en það er endurunnið og úr því framleiddar tuskur og teppi, svo eitthvað sé nefnt.